Mistero kaj krimo en Vaŝintono

Domo de la Templo 

8:33 post-tagmeze

La sekreto estas kiel morti.

Ekde la temp-komenco, la sekreto ĉiam estis kiel morti.

la perdita simbolo

La tridektri-jara iniciito rigardis suben al la homa kranio nestita inter  siaj polmoj. La kranio estis vaka, kiel bovlo, plena de sang-ruĝa vino.

Trinku ĝin-li diris al si mem -nenion vi indas timi.

Laŭtradicie, li estis komencinta sian ektrairon ornamita en rita kostumo de herezulo kondukita al pendumilo, kun malstrikta ĉemizo malfermita montrante sian palan bruston, la maldekstra pantalonkruro suprenfaldita ĉe la genuo kaj la dekstra maniko ĉe la kubuto. Ĉirkaŭ lia kolo pendis peza ŝnurnodo- nomata  de la kunfratoj “kablo-trenilo” . Tamen ĉi-nokte, samkiel la kunfratoj rolantaj kiel atestantoj, li  vestiĝis kiel majstro.

Tiel komenciĝas la lasta romano de Dan Brown , La Perdita Simbolo ,The Lost Symbol, tria aventuro de profesoro Robert Landgdon, fakulo pri simbologio (kiu, simile al arkeologio ja temas pri profesio plena de danĝeroj kaj minacoj, kiel perfekte scias Indiana Jones). Landgdon, kiel ĉi tiu alia rolulo okupas sian vivon oficiale per instruado en universitato fasciniganta la junajn studentojn, kvankam fojfoje li devas ankaŭ savi la mondon disde katastrofo aŭ fiulego.

La intrigo de La Perdita Simbolo rapide disvolviĝas dum unu nokto, en la 509 paĝoj de la angla eldono, per mallongaj eĉ etaj ĉapitroj kvazaŭ scenoj de filmo (jam oni pretigas ĝin, kun Tom Hanks kiel ĉefrolulo). La profesoro ricevas inviton de malnova riĉa amiko por prelegi en la usona Kapitolio, sed alveninta tien, li ekscias ke la amikon forkaptis mistera kaj kruela persono, kiu postulas helpon por trovi sekretan lokon. Landgdon haste devas solvi la enigmon kaj trovi tiun homon, antaŭ atendebla tragika fino. En la romano ni havas okazon viziti la internon de kelkaj gravaj konstruaĵoj en Vaŝintono kaj “koni” iom pri ĝia framasona origino, Isaac Newton, magiaj kvadratoj, teknologio, ktp.

Antaŭ ĉio ni memoru ke la verkisto ŝatas miksi faktojn kun mitoj, kvazaŭ-scienco aŭ plenaj fantazioj. En malgrandaj literoj aperas noto, verŝajne por eviti leĝajn problemojn, ke ĉi tiu libro estas fikcia verko kaj simileco kun realo temas pri koincido. Tamen ĵus antaŭ la komenco Brown, eble malhoneste, anoncas ke ĉiuj ritaroj, scienco kaj monumentoj en la romano estas realaj. Nu, ni konsideru ke la unua noto ankaŭ kvalifas tiun lastan… Krom tio en kelkaj partoj ŝajnas ke la verkisto iom filudas aŭ prezentas nekredindajn solvojn.

Malgraŭ tiuj ĉi aferoj la maniero prezenti la intrigon sufiĉe kaptas la atenton kaj invitas plu legi ĝis la fino. Dan Brown dece regas sian metion. Mi nun pli emas viziti la ĉefurbon de Usono kaj legi pri ĝia reala historio. La libron mi ĝuis eĉ se certe ĝi ne iĝos majstroverko de la tutmonta literaturo. Por lernantoj de la angla kiel mi, la originala versio provizas taŭgan ŝancon.

Advertisements
Afiŝita en Uncategorized | Etikedigita | Komenti

Hello world!

Welcome to WordPress.com! This is your very first post. Click the Edit link to modify or delete it, or start a new post. If you like, use this post to tell readers why you started this blog and what you plan to do with it.

Happy blogging!

Afiŝita en Uncategorized | 1 komento